Lydia Espina ve na llei de 'Les Escuelines' "un exemplu" a nivel nacional

Empieza en Xixón la construcción de la escuela de 0 a 3 del barriu d'El Llano

La conseyera d'Educación del Gobiernu del Principáu d'Asturies, Lydia Espina, afirmó esti xueves en Xixón que la llei que regula la rede pública, autonómica y gratuita de 'Les Escuelines' ye "un exemplu" a nivel nacional porque "nun esiste otru modelu igual que cubra tola rede" y que lo faiga en tol territoriu de la comunidá autónoma.

Espina fixo estes declaraciones nel allugamientu de la primer piedra de la Escuela Infantil d'El Llano, actu institucional nel que punxo en valir el trabayu colaborativu de “toles alministraciones" qu'acompañaron con "llealtá" al Gobiernu autonómicu nel proyectu.

Pela so parte, l'alcaldesa de Xixón, Carmen Moriyón, recordó que’l 3 de marzu de 2003 la primer escuela infantil de Xixón "abrió les sos puertes" y más de dos décades dempués ponse en marcha la construcción de la postrera que se llevanta "primero de que Xixón s’inxerte na rede autonómica".